Innlent

1000 enn á biðlista vegna frístundaheimila

MYND/Stefán
MYND/Stefán

Börnum á biðlistum eftir plássi á frístundaheimilum Reykjavíkurborgar hefur fækkað úr ríflega 1400 í ríflega 1000 frá því í liðinni viku. Meginástæðan fyrir þessum góða árangri er að tekist hefur að ráða fleiri starfsmenn til starfa á frístundaheimilin. Nú hafa 1800 börn fengið vistun á frístundaheimilunum. Þetta kemur fram í tilkynningu.

Borgarráð samþykkti í dag samhljóða að tillögu Hönnu Birnu Kristjándóttur, borgarstjóra, að fela sviðsstjórum ÍTR og menntasviðs að leiða vinnu við gerð tillagna um hvernig leysa megi manneklu og aðstöðuvanda frístundaheimila í borginni. Markmiðið er að tryggja sem flestum börnum á aldrinum 6 til 9 ára fjölbreytt frístundastarf eftir að skólastarfi lýkur á daginn.

Leitað verður leiða til að efla og samþætta störf sviðanna auk skóla og frístundaheimila í þessu skyni. Jafnframt verða kannaðar fjölbreyttar lausnir varðandi rekstur frístundaheimilanna svo sem með samstarfi við félagasamtök, íþróttafélög og aðra.


Tengdar fréttir

Erfið staða á frístundaheimilum

,,Þetta er erfið staða og staða sem við höfum þurft að takast á við á hverju ári. Mjög mikil eftirspurn er eftir þessari þjónustu og það hefur aldrei tekist að eyða þessum biðlistum," segir Kjartan Magnússon, formaður ÍTR, en bendir á að seinustu misseri hafi gengið betur en undanfarin ár að ráða starfsfólk á frístundaheimilin.

Vongóður þrátt fyrir að 200 starfsmenn vanti

Kjartan Magnússon, borgarfulltrúi Sjálfstæðisflokksins og formaður ÍTR, er vongóður um að það takist að ráða starfsmenn á frístundaheimili Reykjavíkurborgar. Enn vantar 200 starfsmenn á frístundarheimilin sem taka til starfa í næstu viku þegar skólar hefjast.

1700 á biðlista vegna frístundaheimila

Rúmlega 1700 grunnskólabörn í Reykjavík eru á biðlista eftir plássi á frístundaheimilum borgarinnar sem tóku til til starfa í vikunni um leið og skólahald hófst. Þetta kom fram á stjórnarfundi Íþrótta- og tómstundaráðs Reykjavík í dag.

Erfitt að ráða fólk í Vesturbæinn

Erfiðlega hefur gengið í haust að ráða starfsfólk á frístundaheimili Reyjavíkurborgar í Vesturbænum. Undanfarin ár hefur gengið einna best að manna frístundaheimili í þeim borgarhluta en aftur á móti hefur reynst erfiðara að ráða starfsfólk í úthverfin. Staðan virðist vera að snúast við.

Fleiri börn á biðlista en fyrir ári

Fleiri grunnskólabörn voru á biðlista í byrjun september miðað við á sama tíma og í fyrra til að komast að á frístundaheimilum Reykjavíkurborgar sem tóku til starfa í seinustu viku þegar skólahald hófst.

Reynt að leysa vanda frístundaheimilanna

Sviðsstjórum Íþrótta- og tómstundasviðs og menntasviðs verður falið að stjórna vinnu um tillögur að lausnum á manneklu- og aðstöðuvanda frístundaheimilanna gangi hugmynd Hönnu Birnu Kristjánsdóttur borgarstjóra fram að ganga.

Mest lesið


Fleiri fréttir

Sjá meira


×

Mest lesið