John Cleese skilur við þriðju eiginkonuna

Leikarinn John Cleese, er að skilja við eiginkonu sína til fimmtán ára, sálgreininn Alyce Eichelberger. Að sögn vina parsins er skilnaðurinn sameiginleg ákvörðun, tekin í kjölfar þunglyndis sem Cleese hefur glímt við undanfarna mánuði, þar sem hann hefur misst fjölda náinna vina.

Alyce, sem er bandarísk, er þriðja eiginkona leikarans. Hún er þekktur sálgreinir vestanhafs og var nemandi Önnu Freud. Hún rekur sína eigin stofu í London, og hefur meðal annars skrifað bók um hvernig best sé að eiga við móður sína.

Cleese er sjálfur mikill áhugamaður um sálgreiningu, og hefur viðurkennt að hann hafi þjáðst af þunglyndi snemma á ferli sínum. Hann hefur skrifað tvær bækur um sambönd: „Fjölskyldur og hvernig á að lifa þær af", og „Lífið, og hvernig á að lifa það af".

Parið átti engin börn saman, en bæði eiga börn frá fyrri hjónaböndum.