Pamela Anderson ólétt

Skilnaður Pamelu Anderson og Rick Salomon er aftur á dagskrá. Parið ákvað fyrir skemmstu að skilja, en hætti við nokkrum dögum síðar. Þau reyndu árangurslaust að lappa upp á sambandið, og hafa nú endanlega ákveðið að fara hvert sína leið, þrátt fyrir það að Pamela sé ólétt.

Samkvæmt heimildum TMZ vefsíðunnar heldur Salomon að hormónadrifnar geðsveiflur óléttrar eiginkonunnar séu ástæða þess að hún vilji skilja, og vonar að hún sjái að sér. Það vekur þó athygli að í skilnaðarpappírunum fer Pamela fram á framfærslu fyrir sig, en ekki ófætt barnið.

Parið gifti sig í Las Vegas þann sjötta október síðastliðinn, eftir að hafa verið saman í nokkrar vikur.