Berbatov reiðist gagnrýnin

Umboðsmaður Dimitar Berbatov segir að vel komi til greina að leikmaðurinn hætti að gefa kost á sér í búlgarska landsliðið en hann hefur verið gagnrýndur mikið í heimalandi sínu í kjölfar slaks gengis landsliðsins.

Búlgaría tapaði gær fyrir Serbíu á útivelli, 6-1, og fór Berbatov af velli eftir 30 mínútna leik. Í síðasta mánuði gagnrýndi varaforseti búlgarska knattspyrnusambandsins nokkra leikmenn og sakaði þá um að hafa ekki áhuga á að spila með landsliðinu.

Þegar Berbatov bað um skiptingu í leiknum rifjaði sá sem lýsti leiknum í búlgörsku sjónvarpi þessi orð varaforsetans. Áðurnefndur umboðsmaður mun þá hafa reiðst mjög og hringt í viðkomandi sjónvarpsmann í hálfleik, þar sem hann sagði honum Berbatov gæti hafa leikið sinn síðasta landsleik.

Plamen Markov, landsliðsþjálfari Búlgaríu, sagði eftir leik að Berbatov hefði beðið um skiptingu vegna smávægilegra meiðsla.

„Ég spurði hann hvað væri að og hann sagði að hann hafi tognað. Hann fór að láta athuga þetta en eftir leik sagði hann að þetta væri líklega ekkert alvarlegt."