AC Milan að krækja í Ronaldinho

AC Milan á aðeins eftir að ganga frá nokkrum formsatriðum til að tryggja sér brasilíska leikmanninn Ronaldinho. Manchester City var einnig á eftir leikmanninum.

Leandro Cantamessa, lögmaður AC Milan, segir á vefsíðu félagsins að kaupin séu við það að ganga í gegn. Kaupverðið er talið í kringum 15 milljónir punda en það gæti hækkað eftir frammistöðu leikmannsins.

Ronaldinho er 28 ára en hann olli miklum vonbrigðum með frammistöðu sinni hjá Barcelona síðasta tímabil.