Hrapaði um tvær hæðir við björgun slökkviliðs

Kínverskum manni var naumlega bjargað frá bruna á fjórðu hæð í fjölbýlishúsi í Shanghaí á laugardag. Björgunarsveit og nágrannar fylgdust með þegar slökkviliðsmaður klifraði upp stiga og afhenti manninum öryggisbelti sem hann festi í handrið.

Þegar maðurinn reyndi að komast af skyggni hússins féll hann um tvær hæðir. Öryggislínan forðaði honum frá því að hrapa niður tvær hæðir í viðbót og lenda á jörðinni. Maðurinn var að vonum skelkaður eftir atvikið og íbúðin er gjörónýt eftir brunann.