Erlent

Þurfa ekki að greiða 3,3 milljarða vegna glataðra buxna

Roy L. Pearson, til vinstri, höfðaði mál vegna glataðra buxna en varð ekki kápan, eða buxurnar, úr því klæðinu.
Roy L. Pearson, til vinstri, höfðaði mál vegna glataðra buxna en varð ekki kápan, eða buxurnar, úr því klæðinu. MYND/AP

Dómari í Washington í Bandaríkjunum sýknaði í dag eigendur fatahreinsunar af kröfu dómara í borginni um 3,3 milljarða króna skaðabætur vegna buxna sem týndust í hreinsun.

 

Roy L. Pearson, dómari við stjórnsýsludómstól í Washington, var vægast sagt óhress þegar eigendur fatahreinsunarinnar, Soo Chung, Jin Nam Chung and Ki Y. Chung, sögðu honum að þeir hefðu týnt buxunum hans.

Höfðaði dómarinn fór í skaðabótamál og krafðist 67 milljóna bandaríkjadala, jafnvirði rúmlega 4,2 milljarða íslenskra króna. Rök Pearsons fyrir þessari feiknaháu bótakröfu voru þau að eigendur fatahreinsunarinnar hefðu auglýst að viðskiptavinum væri tryggð ánægja með þjónustuna og hægt yrði að sækja föt úr hreinsun samdægurs. Þetta hefði ekki staðist. Síðar lækkaði hann bótakröfuna í 54 milljónir dala, jafnvirðum 3,3 milljarða króna.

Dómari í málinu komst hins vegar að því að eigendur fatahreinsunarinnar hefðu ekki brotið gegn neytendaverndarlögum. Jafnframt úrskurðaði hann að Pearson skyldi greiða eigendum hreinsunarinnar málskostnað sem er orðinn ærinn.

Mest lesið


Fleiri fréttir

Sjá meira


×

Mest lesið