Manson kominn með nýja kærustu

Rokkgotinn Marylin Manson er víst búinn að næla sér í nýja kærustu, hina nítján ára gömlu Evan Rachel Wood en sjálfur á Manson tvö ár í fertugt. Hann skildi við eiginkonu sína, Ditu Von Teese, í desember en hjartaknúsarinn var ekki lengi að finna ástina á ný.

Að sögn var eiginkonan fyrrverandi orðinn þreytt á gjálífi bónda síns auk þess sem henni fannst hann og Wood orðin of náin. „Dita er miður sín, hún átti ekki von á þessu,“ segir vinur hjónanna.

Evan Rachel Wood er leikkona og sló í gegn fyrir fáum árum í myndinni Thirteen þar sem hún lék á móti Holly Hunter. Hún og Mansons hafa að sögn verið vinir lengi. Á vefsíðu sinni segist Manson hafa kynnst Wood þegar hann bað hana að leika í hryllingsmyndinni Phantasmagoria: The Visions of Lewis Carroll.