Ræningjar með góða þjónustulund

Þrír menn sem rændu sportvöruverslun nálægt borginni Montevideo í Úrúgvæ í dag héldu áfram að afgreiða viðskiptavini á meðan á ráninu stóð. Mennirnir lokuðu starfsmenn verslunarinnar inni í bakherbergi og afgreiddu viðskiptavini í tæpan hálftíma áður en þeir hurfu á braut.

Mennirnir ruddust inn í verslunina og skipuðu starsfmönnum að afhenda sér peninga og íþróttavörur. Af því loknu lokuðu þeir starfsmennina inni í bakherbergi verslunarinnar. Þeir hurfur hins vegar ekki af vettvangi heldur héldu áfram að afgreiða viðskiptavini sem komu grunlausir inn í verslunina og seldu þeim margskonar íþróttavörur.

Lögreglunni hefur enn ekki tekist að hafa hendur í hári mannanna og ekki liggur fyrir hversu miklum peningum og vörum mennirnir stálu.