Myrti mann og skrifaði reifara

Pólskur reifarahöfundur hefur verið dæmdur í 25 ára fangelsi fyrir að fremja morð - á nákvæmlega eins hátt og hann hafði lýst í einni bóka sinna.

Í ,,Amok", bók sinni frá árinu 2003, lýsir rithöfundurinn Krystian Bala því í smáatriðum hvernig pólskur kaupsýslumaður er myrtur á hrottalegan hátt.

Lögreglu fannst morðið í bókinni einkennilega líkt óleystu máli frá árinu 2000, þegar lík manns fannst í ánni Oder nærri landamærunum við Þýskaland.

Að sögn saksóknara hafði rithöfundurinn niðurlægt, pyntað og svelt fórnarlamb sitt áður en hann myrti það. Maðurinn hafði átt í ástarsambandi við eiginkonu Bala.

Bala neitaði sök. Hann sagðist hafa aflað sér upplýsinga um morðið í fréttum, en skáldað afganginn af bókinni.