Sýruneysla og dauðarokk koma í veg fyrir himnavist

Söngvari Foo Fighters, Dave Grohl, sem hefur áralanga reynslu af partýstandi og eiturlyfjaneyslu veit ýmislegt um það hvernig maður á að forðast að verða slúðurblaðafóður eins og Britney, Lindsay, Paris og vinir.

,,Þessir krakkar sem eru að upplifa frægðina, peningana og paparassana - þeir þurfa að hypja sig út úr næturklúbbunum og halda grillveislu með helv* fjölskyldunni einu sinni í viku. Þetta er ekki kjarneðlisfræði." segir Grohl í næsta tölublaði Maxim.

Hann viðurkennir þó að hann hafi ekki verið barnanna bestur í gegnum tíðina, og reiknar ekki með heiðurssæti í himnaríki þegar þar að kemur: ,,Mig langar að trúa því að ég endi ekki í helvíti, en ég hef tekið of mikið af sýru og hlustað á of mikið af dauðarokki til að sitja á skýji við hliðina á Guði með engla svífandi yfir höfðinu á mér."