Tvíburar á leiðinni hjá J-Lo

Jennifer Lopes gaf orðrómi um að hún eigi von á tvíburum byr undir báða vængi á dögunum, þegar hún keypti samstæða barnagalla með áletrununum ,,prins" og ,,Prinsessa".

Gjafalisti sem Lopez og eiginmaðurinn, Marc Anthony, eru með í barnafataverslun í Los Angeles þykir einnig gefa vísbendingar um barnafjöldann. Á listanum eru tveir barnasamfestingar úr kashmírull, annar blár, og hinn bleikur. Samfestingarnir kosta 30 þúsund krónur stykkið.

Á listanum eru líka tvær tvíburakerrur á 26 og 34 þúsund krónur, sú dýrari sérhönnuð til útivistar og hlaupa, og vagn á 212 þúsund.

Söngkonan hefur fyrir fæðinguna í vor pantað barnavörur fyrir tæpa tvær og hálfa milljón króna á heimili sín þrjú.