Byrjunarlið Íslands gegn Liechtenstein

Hjálmar Jónsson og Kári Árnason detta báðir úr íslenska landsliðshópnum sem mætir Liechtenstein í kvöld.

Hermann Hreiðarsson kemur inn í sína stöðu í vinstri bakverðinum en hann tók út bann í síðasta leik, gegn Lettum.

Arnar Þór Viðarsson kemur einnig inn í liðið en hann kom ekkert við sögu í síðasta leik.

Þá dettur Grétar Rafn Steinsson úr hópnum en það er vegna meiðsla.

Eyjólfur Sverrisson stillir liðinu upp samkvæmt 4-3-3 leikkerfinu:

Markvörður: Árni Gautur Arason

Hægri bakvörður: Kristján Örn Sigurðsson

Miðverðir: Ívar Ingimarsson og Ragnar Sigurðsson

Vinstri bakvörður: Hermann Hreiðarsson

Varnartengiliður: Arnar Þór Viðarsson

Miðvallarleikmenn: Jóhannes Karl Guðjónsson og Brynjar Björn Gunnarsson

Hægri sóknarmaður: Gunnar Heiðar Þorvaldsson

Fremsti sóknarmaður: Eiður Smári Guðjohnsen, fyrirliði

Vinstri sóknarmaður: Emil Hallfreðsson

Varamenn:

Daði Lárusson

Helgi Sigurðsson

Indriði Sigurðsson

Ólafur Örn Bjarnason

Ólafur Ingi Skúlason

Ármann Smári Björnsson

Ásgeir Gunnar Ásgeirsson