Hvað er Jude að fela?

Það mætti halda að leikarinn Jude Law sé að reyna að koma á nýrri hattatísku en skýringin á sífellt nýjum höfuðfötum mun vera kollvikin sem gera lítið annað en að hækka. Í nýlegu viðtali hjá David Letterman tók hann ofan og þá sást bersýnilega hversu þunnhærður hjartaknúsarinn er orðinn. Það bætir ekki úr skák að hann er nánast snoðaður þessa dagana svo hárleysið fer ekkert á milli mála.

Law var staddur hjá Letterman til að kynna endurgerð spennumyndarinnar Sleuth en það vill svo skemmtilega til að í henni leikur hann hárgreiðslumann á móti Michael Caine.