Látinn undir ruslahaug í átta ár

Króatískur maður lá látinn í íbúð sinni í Sagreb í átta ár áður en hann fannst.

Ivan Bosonac týndist í febrúar 1999, þá 81 árs að aldri. Frændi hans tilkynnti lögreglu um hvarfið. Hún leitaði í kjölfarið í lítilli risíbúð mannsins, sem var stútfull af drasli, en fundu ekkert.

Átta árum síðar datt nágranna mannsins í hug að taka til í íbúðinni. Hún setti á sig gúmmíhanska og hóf að grafa í ruslahaugnum. Klukkutíma síðar fann hún beinagrind mannsins klædda í vetrarfrakka undir hrúgu af drasli. Í samtali við þarlenda fjölmiðla sagði konan að það hefði verið skelfileg fýla í íbúðinni, en hún hefði alltaf haldið að það væri út af ruslinu.