Merkel minnir Kínverja á mikilvægi mannréttinda

Angela Merkel kanslari Þýskalands varaði kínversk stjórnvöld við því að umheimurinn myndi fylgjast náið með mannréttindamálum í Kína á næstunni.

Hún benti á að Ólympíuleikarnir væru á næsta leiti og að mannréttindamál skiptu lykilmáli í samskiptum Þjóðverja og Kínverja. Merkel sagði þetta í ræðu í dag í Félagsfræðiakademíunni í Pekíng.

Í gær ræddi hún við leiðtoga landsins, þeirra á meðal Hu Jintao forseta. Samtök sem fylgjast með mannréttindum í Kína segja að aðgerðir gegn stjórnarandstæðingum hafi ekkert minnkað undanfarið og ritstkoðun sé jafn mikil nú og venjulega.