Klámstjarnan varð honum að falli

Jaison Biagini, framhaldsskólakennari í Monessen í Bandaríkjunum, sagði upp vinnunni eftir að hafa farið á stefnumót með klámmyndastjörnunni Akiru. Stefnumótið var hluti af ferð til St. Pétursborgar sem Biagini vann í samkeppni á vegum útvarpsstöðvarinnar Sirius. Skólastjórnin féllst á afsagnarbeiðni Biaginis síðastliðinn þriðjudag.

Biagini er fatlaður og fer sinna ferða í hjólastól. Eftir að hann kom úr ferðinni örlagaríku sagði hann í samtali við blaðið Valley Independent að stjórnendur útvarpsþáttarins hefðu gert grin að fötlun hans. Sú mynd sem hefði verið dregin upp af honum í þættinum væri móðgandi.

Biagini kenndi listir í 14 ár. Hann segir að hann hafi tekið þátt í keppninni á vegum útvarpsöðvarinnar vegna þess að hann hafi viljað vinna ókeypis utanlandsferð og heimsækja Salvador Dali safnið í St. Pétursborg. Hann sagði að stefnumótið hefði verið „tilgerðarlegt".

Stjórnendur þáttarins segja að Biagini hafi vitað ósköp vel hvað hann væri að gera.