Fyrrverandi starfsfólk Eiffel turnsins sektað

Fimmtán fyrrverandi starfsmenn Eiffel turnsins í París hafa verið sektaðir eftir að hafa dregið að sér fé af miðasölu. Tólf konur og þrír karlar drógu að sér hundruð þúsundir evra á árunum 1996 til 2002 eftir að þeir komust að veikleika í tölvukerfi miðasölunnar. Þeim er gert að greiða allt frá 2,000 og upp í 10.000 evrur í sektir.

Starfsmönnunum fyrrverandi er einnig gert að greiða 700.000 evrur til fyrirtækisins sem sér um rekstur Eiffel turnsins en sú upphæð samsvarar þeim fjármunum sem fólkið dró að sér.

Hneykslið komst upp árið 2002 eftir að nafnlaust bréf barst frá starfsmanni. Rannsókn leiddi til ákæru 15 af 27 starfsmönnum miðasölunnar.

Þeir sem sækja turninn heim greiða 11.50 evrur fyrir ferðina en um sex milljón manns skoða hann árlega.