Lögregla berst gegn siðleysinu

Lögregla í Srinagar, höfuðborg Kashmírhéraðs, þar sem sjálfsmorðsárásir og mannrán eru algeng, hafa fengið nýtt verkefni. Þeim hefur verið falið að uppræta kelerí ungmenna í almenningsgörðum á veitingastöðum og internetkaffihúsum.

Herferðinni er ætlað að koma í veg fyrir ,,ósiðlega hegðun" að sögn yfirmanns í lögreglunni í Srinagar á föstudag. Hann bætti því við að þeir hefðu kannað fjölda staða, og handtekið minnst tíu manns síðustu þrjá daga.

Eigendur veitingahúsa og netkaffihúsa voru líka beðnir um að losa sig við klefa og kofa, þar sem þeir væru ,,misnotaðir" af unglingum.

,,Fjöldi foreldra hefur kvartað yfir því að börn þeirra fari frekar á netkaffihús og veitingastaði en að mæta í skólann" sagði lögreglumaðurinn, Parvez Ahmad við Reuters.

,,Það hefur sést til unglingspara í afar vafasömum stellingum. Við bentum foreldrunum á að fara með þau heim."

Srinagar hefur verið í miðju blóðugrar baráttu indverskra stjórnvalda og islamskra aðskilnaðarsinna sem vilja að héraðið verði öðlist sjálfstæði frá Indlandi. 42.000 manns hið minnsta hafa látist í átökum í Kashmír frá því átökin hófust árið 1989.