Samfylkingin skipar talsmenn

Borgarstjórnarflokkur Samfylkingarinnar hefur skipað talsmenn í einstökum málaflokkum. Flokkurinn segir þetta vera nýmæli sem miði að því stuðla að markvissum málflutningi Samfylkingarinnar í öllum málaflokkum, þannig að „ábyrgð, forysta og verkaskipting innan borgarstjórnarflokksins í stefnumótun og upplýsingamiðlun sé skýr," eins og segir í tilkynningu frá borgarstjórnarflokknum.

Auk málsvarshlutverksins verður hlutverk talsmanna flokksins „að leiða stefnumótun, kynningarstarf og uppbyggingu tengslanets flokksins á viðkomandi sviðum. Hið nýja skipulag á þannig að auðvelda almenningi og flokksfólki að koma ábendingum sínum á framfæri og taka þátt í stefnumótun í borgarmálum auk þess að auka samskipti og gagnkvæmt traust milli kjörinna fulltrúa Samfylkingarinnar og almennings, hagsmunaaðila, félagasamtaka og almenns flokksfólks."

Talsmenn Samfylkingarinnar verða sem hér segir:

Dagur B. Eggertsson er oddviti Samfylkingarinnar í Reykjavík og verður talsmaður flokksins um stjórn borgarinnar, fjármál og önnur málefni sem heyra undir borgarráð. Dagur er jafnframt talsmaður í skipulags- og samgöngumál, orkumálum og málefnum Árbæjarhverfis.

Björk Vilhelmsdóttir verður talsmaður í velferðarmálum, málefnum Faxaflóahafna og Laugardalshverfis.

Oddný Sturludóttir verður talsmaður menntamálum og menningarmálum og málefnum miðborgarinnar.

Sigrún Elsa Smáradóttir verður talsmaður í leikskólamálum, framkvæmdamálum og málefnum Háaleitishverfis.

Dofri Hermansson verður talsmaður í umhverfismálum og málefnum Grafarvogshverfis.

Stefán Jóhann Stefánsson verður talsmaður í íþrótta- og tómstundamálum, innkaupamálum og málefnum Breiðholtshverfis.

Bryndís Ísfold Hlöðversdóttir verður talsmaður í mannréttindamálum.

Stefán Benediktsson verður talsmaður í málefnum HlíðahverfisFelix

Bergsson verður talsmaður í málefnum Vesturbæjarhverfis.Gunnar H.

Gunnarsson verður talsmaður í málefnum Kjalarness.