Fimm Danir flæktir í barnaklámshring

Fimm Danir eru tengdir barnaklámshringnum sem breska lögreglan upprætti fyrir skömmu. Mennirnir eru ákærðir fyrir vörslu barnakláms og einn af þeim var nýlega dæmdur fyrir misnotkun á tveimur börnum, samkvæmt ríkislögreglunni í Danmörku.

Fjórir mannanna voru handteknir í alþjóðlegri lögregluaðgerð. Fimmti maðurinn sætti rannsókn dönsku lögreglunnar og hafði þess vegna dregið sig út úr þátttöku í barnaklámsrásinni á Netinu. Hann var handtekinn skömmu síðar.

Erik Vand, blaðafulltrúi dönsku lögreglunnar, segir að mennirnir hafi verið ákærðir eftir ábendingu frá bresku lögreglunni.

Danska lögreglan segir að þeir séu í samvinnu við bresku lögregluna en ekki hefur verið rætt þeirra á milli um samhæfðar lögregluaðgerðir. Sérdeild dönsku ríkislögreglunnar sem fæst við afbrot á Netinu rannsakar málið.