Mikið mannfall í Afganistan

Að minnsta kosti hundrað manns þar á meðal óbreyttir borgarar, lögreglumenn og herskáir Talibanar hafa látið lífið í hörðum bardögum sem geisað hafa í suðurhluta Afganistan síðustu daga. Bardagarnir hafa aðalleg geisað í Uruzgan-héraðinu.

Misvísandi tölur hafa borist um mannfall á svæðinu. Héraðsstjórnin í Uruzgan segir að um 60 óbreyttir borgarar og 70 Talibanar hafi fallið. Aðrar heimildir herma að 70-75 óbreyttir borgarar hafi fallið, 35 lögreglumenn og hundrað Talibanar.

Í nótt létust sjö börn þegar Bandaríkjaher gerði loftárás á trúarskóla, sem herinn taldi að al-Kaída liðar héldu til í.