Reyna að stöðva flutning vopna frá Íran

Fjölþjóðlegt herlið í Írak hefur í dag staðið í bardgögum í austurhluta landsins með það að markmiði að koma í veg fyrir flæði hermanna og hergagna frá Íran til Íraks. Í tilkynningu frá Bandaríkjaher kemur fram að um 20 vígamenn hafi fallið í bardögunum.

Bandaríkjamenn telja víst að vígamennirnir hafi verið hluti af samtökum sem hafa sérhæft sig í vopnasmygli frá Íran auk þess sem þeir aðstoða vígamenn við að komast yfir landamærin til þess að taka þátt í bardögum við fjölþjóðaliðið. Breskir hermenn tóku meðal annara þátt í bardögunum og segja talsmenn þeirra þær hafa verið heimilaðar af forsætisráðherra Íraks, Nuri al-Maliki.