Önnur atlaga að Ermasundinu

Sundkappinn Benedikt S. Lafleur undirbýr sig nú af fullum krafti fyrir aðra tilraun sína til að synda yfir Ermarsundið. Hann áætlar að þreyta sundið 7.-14.júlí. Benedikt reyndi við sundið í fyrra. Þá varð hann að hætta við eftir að hafa synt æfingasund í 10 klst. í höfninni.

Benedikt heldur brátt utan til Dover undir lok júní til að undirbúa sig fyrir sundið. Hann tileinkar sundið baráttu gegn mansali og alþjóðlegri klámvæðingu. Efnt verður til áheitasöfnunar á næstunni. Ágóðinn mun renna í sjóð Sakleysis. Þeim sjóði er ætlað að sporna gegn alþjóðlegri klámvæðingu. Verða peningarnar notaðir m.a. til að styðja forvarnar- og kynningarverkefni Stígamóta.

Hægt verður að fylgjast með sundafrekum Benedikts á vefsíðu hans: www.ermasund.is