Nýr ritstjóri hjá Iceland Review og Atlanticu

Sveinn H. Guðmarsson, fréttamaður á Stöð 2, hefur verið ráðinn ritstjóri Iceland Review og Atlanticu, flugblaðs Icelandair. Sveinn tekur við ritstjórn á morgun en forveri hans Krista Mahr lét nýverið af störfum.

Haft er eftir Sveini H. Guðmarssyni í tilkynningu frá Heimi hf, útgáfufélagi Iceland Review og Atlanticu, að hann telji líklegt að bakgrunnur hans í fréttamennsku muni setja mark sitt á ritstjórnarstefnu blaðanna í framtíðinn.

Þá kemur einnig fram í tilkynningunni að Krista Mahr, fyrrverandi ritstjóri, hafi verið ráðin til fréttaritsins Time magazine.