Tori Spelling orðin mamma

Beverly Hills 90210 leikkonan Tori Spelling hefur eignast dreng með manni sínum, leikaranum Dean McDermott. Þau Tori og Dean trúlofuðu sig jólin 2005 og gengu í það heilaga hálfu ári síðar á Fijieyjum.

Var drengurinn tekinn með keisaraskurði en móðir Tori var með henni í fæðingunni. Þetta er fyrsta barn Tori en fyrir á Dean átta ára son og árs gamla dóttur. Hefur drengurinn fengið nafnið Liam Aaron McDermott.

Pabbi Tori var sjónvarpsþáttaframleiðandinn Aaron Spelling en hann lést í júní í fyrra, 83 ára að aldri. Strákurinn ber því nafn afa síns heitins.