Justin og Scarlett láta vel hvort að öðru

Hjartaknúsarinn Justin Timberlake er sannarlega að lifa lífinu þessa dagana. Hann og leikkonan Caemeron Diaz eru nýhætt saman eftir tveggja ára samband og er Justin greinilega kominn á markaðinn aftur. Í síðasta mánuði var hann að hitta kynbombuna Jessicu Biel en nú virðist hann hafa snúið sér að annarri leikkonu, henni Scarlett Johansson.

Sást til þeirra Justins og Scarlett í Super Bowl eftirpartý á Mokai í Miami þar sem fræga fólkið skemmti sér. Sjónarvottar segja að þau hafi talað náið saman, haldist í hendur og dansað allt kvöldið. Hafi þau látið mjög vel hvort að öðru. Þegar þau fóru út bakdyramegin stóð Justin upp við vegg en Scarlett gekk til hans og dansaði kynþokkafullan dans fyrir framan hann. Samkvæmt The New York Post náðist ekki í Scarlett til að staðfeststa þessar sögusagnir og talsmaður Justins, Ken Sunshine, vildi ekki tjá sig um málið.

Það verður því gaman að fylgjast með hvað gerist næst í lífi piparsveinsins Justins Timberlakes.