Innlent

106 íbúðir skemmdust í vatnstjóni á Vellinum

106 íbúðir í þrettán húsum skemmdust á Keflavíkurflugvelli vegna vatnsleka í nóvember eftir því sem fram kemur í svari utanríkisráðherra við fyrirspurn Jóns Gunnarsson, þingmanns Samfylkingarinnar. Þá sprungu vatnslagnir í sjö öðrum mannvirkjum, þar á meðal skrifstofuhúsi, leikskóla og æskulýðsmiðstöð.

Eins og greint var frá í fréttum fyrir áramót má rekja skemmdirnar til mikils frosts sem olli því að vatnsleiðslur frusu og sprungu. Fram kemur í svari utanríkisráðherra að utanríkisráðuneytið og stofnanir þess hafi borið ábyrgð á svæðinu og hafi utanríkisráðherra beðið Ríkisendurskoðun að gera stjórnsýsluúttekt á eftirliti á svæðinu með sérstakri áherslu á vatnstjónið. Niðurstöðu Ríkisendurskoðunar sé að vænta innan skamms.

Utanríkisráðherra segist ekki geta svarað því hvað það kosti að gera við byggingarnar en Þróunarfélag Keflavíkurflugvallar láti fara fram faglegt og óháð mat á tjóninu. Íslenska ríkið muni bera kostnaðinn af þessu tjóni, enda eru ríkiseignir ekki tryggðar.

Mest lesið


Fleiri fréttir

Sjá meira


×

Mest lesið