Krónan leiðir til verri lífskjara á Íslandi

Þrjú ár eru liðin frá því Marel hóf að færa bókhald sitt í evrum og nýlega hóf fyrirtækið að greiða hluta af launum starfsmanna í sömu mynt. Forstjóri fyrirtæksins telur það aðeins spurningu um tíma hvenær evran leysi af krónuna og raunar undrast hann hvernig rætt er um Evrópusambandsaðild.

Hann kveðst sem stjórnarformaður í fjölda evrópskra dótturfyrirtækja Marels hafa rætt oft við stjórnendur og starfsmenn þeirra um þessi mál. Þeir láti mjög vel af verunni í Evrópusambandinu sem er mjög í ósamræmi við umræðuna hérlendis og veruleikann í Evrópu.

Hann segir að Íslendingar skerði framtíðarlífskjör sín með því að halda í þennan óstöðuga gjaldmiðil, sem valdi miklum sveiflum, skaði útflutningsfyrirtækin og valdi gríðarlega háum vöxtum. Hann spáir því að vægi krónunnar muni minnka og menn muni verðleggja hana út af markaðnum.