Sjúkraflutningamenn færðu fjölskyldu Ásgeirs litla jólaglaðning

Sjúkraflutningamenn í Árnessýslu ákváðu að afþakka jólagjafir og gefa þess í stað fjölskyldu Ásgeirs Lýðssonar, tveggja ára drengs, þá fjárhæð sem hefði annars runnið í jólagjafir.

Fjölskyldan var styrkt um 50 þúsund krónur. Landsbanki Íslands, sem er viðskiptabanki Félags sjúkraflutningamanna í Árnessýslu, frétti að fyrirætlunum félagsmanna og ákvað að jafna upphæðina. Í morgun fóru svo sjúkraflutningamenn í heimsókn til fjölskyldunnar á Selfossi og afhenti þeim glaðninginn.

Ásgeir Lýðsson er tæplega tveggja ára strákur frá Selfossi sem þjáist af nýrnasjúkdómi og litningagalla. Vísir sagði sögu hans um daginn og hana má lesa með því að smella á þennan hlekk.