Dæmdir fyrir stríðsglæpi í Sierra Leone

Dómstóll á vegum Sameinuðu þjóðanna hefur dæmt þrjá menn fyrir stríðsglæpi og glæpi gegn mannkyni á tímum borgarastyrjaldarinnar í Sierra Leone. Um 50 þúsund manns týndu lífi í stríðinu sem endaði árið 2002 eftir 11 ára óöld.

Þetta er fyrsti dómurinn sem fellur um stríðsglæpi frá borgarastyrjöldinni í landinu. Þremenningarnir voru yfirmenn herdeildar sem steypti stjórninni árið 1997. Þeir voru einnig fundnir sekir um hryðjuverk, morð, og að neyða börn til að sinna hermennsku. Mennirnir voru sýknaðir af ákæru um að hafa hneppt fólk í kynlífsþrælkun.