Erlent

Fjármálaráðherra Suður-Karólínufylkis ákærður fyrir fíkniefnamisferli

Mark Sanford, hefur vikið ráðherranum úr embætti. Hér er hann með Bush Bandaríkjaforseta.
Mark Sanford, hefur vikið ráðherranum úr embætti. Hér er hann með Bush Bandaríkjaforseta.

Fjármálaráðherra Suður-Karólínufylkis, Thomas Ravenels, var ákærður í gær fyrir fíkniefnamisferli. Ravanel var einnig formaður hóps sem stendur að forsetaframboði Rudy Guiliani í Suður-Karólínufylki. Honum er gefið að sök að hafa dreift allt að 500 grömmum af kókaini til vina sinna og neytt þess með þeim. Við því liggur allt að 20 ára fangelsisdómur.

 

Mark Sanford, ríkisstjóri í Suður-Karólínufylki vék Ravanel samstundis úr embætti vegna ákærunnar. Hann hyggst tilnefna ráðherra fljótlega. Þá hefur Ravanel einnig látið af störfum fyrir framboð Giulianis í kjölfar þessara ásakana

 

Lögreglan hafði vitneskju um málið áður en Ravanel var tilnefndur í embætti fjármálaráðherra í nóvember á síðasta ári en hafði ekki nægar upplýsingar til ákæru í málinu á þeim tíma. Alríkislögreglan tók við málinu í apríl.

 

Ravenel hóf pólitískan feril sinn árið 2004 þegar hann bauð sig fram til öldungadeildar Bandaríkjaþings og lenti í þriðja sæti í forkosningum republikana. Hann er sonur Arhurs Ravenel yngri, sem meðal annars gegndi þingmennsku í öldungadeildinni.

 

 

Mest lesið


Fleiri fréttir

Sjá meira


×

Mest lesið