Ákærðar fyrir manndráp

Tveimur hjúkrunarfræðingum, á Minningarsjúkrahúsinu í New Orleans hefur verið boðið friðhelgi gegn því að vitna fyrir sérstökum kviðdómi. Konurnar voru taldar bera ábyrgð á láti fjögurra sjúklinga sem voru lagðir inn eftir fellibylinn Katrínu,

Talið er að allt að níu sjúklingar á aldrinu 63 - 93 hafi látist eftir að hafa fengið banvæna lyfjablöndu frá starfsmönnum sjúkrahússins. Samkvæmt framburði ættingja sjúklinganna notaði starfsfólkið lyfin til að drepa sjuklinga svo ættingjarnir gætu losnað úr ógnvekjandi aðstæðum á sjúkrahúsinu eftir fellibylinn.

Dr. Anna Pou og hjúkrunarfræðingarnir Cheri Landry og Lori Budo voru handteknar í júlí 2006 eftir 10 mánaða rannsókn. Saksóknari Louisiana, Charles C. Foti, ákærði þær fyrir manndráp. Talið er að hjúkrunarfræðingarnir muni vitna fyrir kviðdómi á næstu tveimur vikum, sem gæti upplýst málið. Það gæti einnig þýtt að rannsóknin beinist einna helst að Pou, lækni, sem vann við sjúkrahúsið þegar Katrín reið yfir New Orleans.

Lögfræðingar Landrys og Budo hafa ekki tjáð sig um málið en Rick Simmon, lögfræðingur Pous, fullyrti að Pou kæmi hvergi nærri réttarhöldunum. „Við erum sannfærð um að þegar allar staðreyndir munu liggja á borðinu, verði allt heilbrigðisstarfsfólkið hreinsað af öllum ákærum." sagði í yfirlýsingu frá honum. "Það breytist ekki þótt einhver vitni séu ef til vill að vitna fyrir kviðdómi".