Fræg og full við stýrið í Hollywood

Nokkrum dögum fyrir jól var kvikmyndaleikstjórinn Gus Van Sant handtekinn fyrir ölvunarakstur. Gus bætist í stóran hóp frægðarmenna sem tekin hafa verið fyrir ölvunarakstur. Fréttablaðið rifjaði upp sögur af frægum stútum við stýrið.

Sjónvarpsstjarnan Nicole Richie var á dögunum tekin ölvuð á bíl, en hún hafði þá keyrt á röngum vegarhelmingi í dágóðan tíma. Nicole neitaði auðvitað að hafa verið ölvuð og sagðist hafa verið nýbúin að taka verkjalyf, sem hafi greinilega verið of sterk. Þetta er í annað sinn sem Nicole hefur verið tekin, en áður var hún tekin undir stýri með kannabisefni í fórum sínum. Nú gæti hún átt yfir höfði sér fangelsisdóm.

Vinkonur Richie, þær Tara Reid og Paris Hilton, hafa líka verið teknar fyrir að keyra undir áhrifum. Fleiri þokkagyðjur hafa lent í óhöppum í umferðinni, en Halle Berry stakk af eftir að hafa lent í árekstri fyrir nokkrum árum. Ekki er þó vitað hvort hún hafi þá haft vín um hönd. Ólíklegri aðilar hafa einnig verið teknir ölvaðir og ber þar hæst barnastjörnuna Haley Joel Osmond, sem var tekinn aðeins 17 ára gamall.

Leikstjórarnir keyra fullir

Kvikmyndaleikstjórar hafa gjarnan verið duglegir við að keyra undir áhrifum en eins og þekkt er var leikarinn og leikstjórinn Mel Gibson handtekinn í sumar eftir að hafa þeyst um götur Malibu ölvaður. Mel brást hinn versti við þegar hann var handtekinn og kenndi gyðingum um allt saman, líka stríð heimsbyggðarinnar. Oliver Stone hefur í tvígang verið handtekinn undir stýri. Bæði fullur og undir áhrifum kannabisefna, en í seinna skiptið hafði hann einnig efni í fórum sínum. Nú síðast var það Van Sant sem var handtekinn. Ógæfumennirnir í Hollywood

Í Hollywood eru góðkunningjar lögreglunnar til, eins og annars staðar. Hasarmyndaleikarinn Jean Claude Van Damme var eitt sinn þekktur fyrir heilbrigðan lífsstíl og hraustlegt viðmót, en það breyttist fljótt eftir að leikarinn var tekinn ölvaður á bifreið sinni.

Í kjölfarið fór hann í meðferð vegna fíknar sinnar á kókaíni og vinsældir hans dvínuðu fljótt. Daniel Baldwin, sem er elstur þeirra Baldwin-bræðra, lenti svo í því að deyja áfengisdauða við stýrið með þeim afleiðingum að hann klessti á. Þeir Robert Downey Jr. og Nick Nolte hafa einnig gerst brotlegir, með áfengi í annarri og stýri í hinni.

Í kjölfarið fór hann í meðferð vegna fíknar sinnar á kókaíni og vinsældir hans dvínuðu fljótt. Daniel Baldwin, sem er elstur þeirra Baldwin-bræðra, lenti svo í því að deyja áfengisdauða við stýrið með þeim afleiðingum að hann klessti á. Þeir Robert Downey Jr. og Nick Nolte hafa einnig gerst brotlegir, með áfengi í annarri og stýri í hinni.