Handarþjófur handsamaður

Bandarískur læknir játaði í dag að hafa stolið hönd úr læknaskólanum í New Jersey í Bandaríkjunum og gefið hana fatafellu. Fatafellunni langaði í höndina svo hún gæti haft hana til sýnis í íbúð sinni.

Læknirinn, Ahmed Rashed, sér fram á fimm ára skilorðsbundið fangelsi vegna þjófnaðarins. Höndin var áður á látnum manni sem hafði heimilað að líffæri hans yrðu nýtt í þágu annarra. Lögregla fann höndina, sem fatafellan geymdi í krukku fullri af formalíni, þegar hún kom heim til fatafellunnar að rannsaka annað óskylt mál.