Kynþokki og húmor

Jessica Biel segir það skipta miklu máli að hafa húmor fyrir því hvernig paparazzi-ljósmyndararnir elta hana á röndum. „Það er nauðsynlegt að hafa húmor fyrir öllu því sem viðkemur þessum kjánalegu slúðurtímaritum. Þegar ég skoða þau þá sé ég að blaðamennirnir vita meira um mig en ég sjálf. Það er fyndið hvað heimurinn er orðinn klikkaður og það þýðir ekkert annað en að hlæja að því.“

Jessica virðist vera svolítið upptekin af húmor-hlið lífsins og lét einnig hafa eftir sér hversu kynþokkafullur húmor væri. „Það besta er þegar kynþokka er blandað við húmor. Trikkið er að taka sig ekki of alvarlega og leyfa sér að vera svolítið kjánalegur og gera grín að sjálfum sér. Það er að mínu mati mest aðlaðandi.“