Mega ekki eignast börn

Hinni nýgiftu Evu Longoria hefur verið bannað að eignast börn strax af yfirmönnum hennar í Desperate Housewives. Framleiðandi þáttanna, Marc Cherry, minntist á það í ræðu sem hann hélt í brúðkaupinu að brúðhjónin mættu ekki eignast börn í heilt ár samkvæmt samningi þáttanna. Eva segir þetta þó alls ekki angra sig og að hún hlakki til að eyða tíma með eiginmanni sínum.

„Okkur er alveg sama. Við viljum vera saman tvö ein um sinn þó svo að okkur langi auðvitað mjög mikið í börn þegar rétti tíminn kemur,“ sagði leikkonan nýgifta.