Loksins, loksins – Matt Damon kynþokkafyllstur

Leikarinn Matt Damon hefur verið útnefndur kynþokkafyllsti núlifandi karlmaðurinn af People magazine. Hinn 37 ára gamli leikari var upp með sér og sagði í viðtali við tímaritið að þetta kæmi sér á óvart.

George Clooney og Brad Pitt félagar Damons hafa tvisvar hlotið þessa tilnefningu en þeir hafa í gegnum árin talað mikið um að Damon þyrfti á titlinum að halda. Hafa þeir haldið langar ræður og unnið markvisst að því að Matt Damon hlyti þessa útnefningu.

Nú hefur leikarinn þetta skjálfest og sagðist gríðarlega ánægður í samtali við People magazine.

En því miður stelpur, þá er hann ekki á markaðnum enda harðgiftur hinni fögru Luciana Bozan.