Suður-Kóreumönnunum verður sleppt

Talbanar í Afganistan hafa fallist á að sleppa 19 suður-kóreskum gíslum gegn því að Suður-Kórea dragi herlið sitt frá landinu fyrir lok þessa árs. Þá samþykkti suður-kóresk sendinefnd ýmis önnur skilyrði, svo sem að yfirvöld myndu koma í veg fyrir að þegnar þeirra stunduðu trúboð í Afganistan. Kóresk yfirvöld greindu frá þessu í morgun.

Suður-Kóreumennirnir voru í Afganistan á vegum kristlegra hjálparsamtaka. Þeim var rænt 19. júlí síðastliðinn á vegi nálægt höfuðborginni Kabúl. Upprunalega voru þeir 23, en tveir þeirra voru myrtir, og tveimur sleppt fyrir skömmu.