Schumacher keyrði leigubíl eins og kappakstursbíl

Leigubílstjóri í Bæjarlandi fékk Michael Schumacher margfaldann heimsmeistara í kappakstri sem farþega í gærdag.

Shumi var á leið í flug og orðinn töluvert seinn. Hann spurði því leigubílstjórann hvort hann mætti ekki setjast undir stýri á Opel Vivaro bíl hans.

Leigubílstjórinn segir að Shumi hafi keyrt bílinn á miklum hraða og tekið frammúr öðrum bílum á oft ótrúlegan hátt á leiðinni. "Hann virkilega sýndi mér hvernig á að fara að þessu," segir leigubílstjórinn.

Shumi náði fluginu og gaf leigubílstjóranum 9.000 krónur í þjórfé til viðbótar fargjaldinu.