Höskuldur fer frá Víkingi

Höskuldur Eiríksson, leikmaður Víkings, hefur ákveðið að yfirgefa félagið og halda á ný mið.

Þetta staðfesti hann í samtali við Vísi og sagði um leið að Víkingur hefði náð samkomulagi við annað félag um kaupverð.

Hann vildi ómögulega gefa upp til hvaða félags hann færi en samkvæmt heimildum Vísis koma helst Valur og KR til greina.

Höskuldur lék sjö leiki með Víkingum í Landsbankadeildinn í sumar en liðið féll í 1. deildina nú í haust. Hann var fyrir tímabilið lánaður til norska úrvalsdeildarliðsins Viking en meiðsli komu í veg fyrir að hann fengi tækifæri þar.

Hann gekk í raðir Víkins frá KR árið 2003 og hefur því leikið í fimm ár með Víkingi, bæði í 1. deildinni og efstu deild. Hann á að baki áttatíu leiki með Víkingum í bæði deild og bikar og hefur skorað í þeim leikjum sex mörk.