Íhugaði að hætta

Leonardo DiCaprio íhugaði að hætta að leika eftir að hann lék í hinni vinsælu Titanic árið 1997.

DiCaprio hylltur sem mikið kyntákn eftir myndina, sem var einmitt sú ímynd sem hann hafði reynt að forðast áður. „Það var erfitt þegar fólk leit á mig þannig. Mig langaði að hætta að leika í smá tíma,“ sagði hann í viðtali við Newsweek. „Hlutverkið breytti lífi mínu á marga vegu en á sama tíma veitti það mér tækifæri. Með því gat ég ráðið ferli mínum sjálfur.“ Síðan þá hefur DiCaprio leikið í mörgum vel heppnuðum myndum og er mjög sáttur við sitt.