Mike Tyson í Bollywood mynd

Mike Tyson langar að leika í Bollywood mynd.

Boxarinn geðgóði lék á dögunum í tónlistarmyndbandi sem er ætlað sem kynningarmyndband fyrir ,,Fool n Final", nýrri Bollywood mynd um demantarán.

Í viðtali við Times of India sagði boxarinn að Firoz Nadiawala, framleiðandi ,,Fool n Final" hefði boðið sér hlutverk í mynd.

Myndbandið kemur út síðar í mánuðinum, en í því leikur Tyson sjálfan sig dansandi við Bollywood tónlist. Í viðtalinu sagðist hann hafa hrifist af andrúmsloftinu á tökustað.

Tyson, sem hefur leikið sjálfan sig í fjölda bíómynda, segir hnefaleik og leiklist svipaða. ,, Í báðum greinum þarf maður einbeitningu, sjálfsaga og ákveðni til þess að lifa af og sigra.

Dómari í Phoenix gaf Tyson leyfi til að ferðast til Las Vegas til að leika í myndbandinu, en hann bíður ákæru fyrir að hafa undir höndum lyf og keyra undir áhrifum.