Engar hárlengingar fyrir Paris Hilton

Paris Hilton þarf að losa sig við hárlengingarnar í fangelsinu. Þá er henni líka bannað að lita á sér hárið.

Sýslumaðurinn í Lynwood hefur staðfest þetta. Reglur fangelsisins banna hárlengingar og litanir, og undir það verður Hilton að gangast líkt og aðrir fangar.

Lynwood fangelsið þar sem Paris Hilton dvelst hefur gert skýrslu sem var gerð um hana þegar hún hóf afplánun opinbera. Þar kemur fram að Hilton, eða fangi nr. 9818783, sé ljóshærð og græneygð, 172 cm á hæð og 52 kíló að þyngd.

Fyrir þá sem sjá fram á að sakna glamúrdömunnar þá 23 daga sem hún dvelur í steininum má senda henni bréf á 11705 S. Alameda St., Lynwood, CA 90262, nú eða skella sér í heimsókn.