Meðlimir Lordi í hryllingsmynd

Hljómsveitin ófrýnilega Lordi frá Finnlandi mun fara með aðalhlutverkið í hryllingsmyndinni Dark Floors sem verður frumsýnd í lok ársins. Meðlimir sveitarinnar eiga einnig þátt í handriti myndarinnar, auk þess sem þeir syngja titillagið.

Dark Floors gerist á sjúkrahúsi og mun vera nokkurs konar blanda af bandarískum og japönskum hryllingsmyndum. Stefnt er að frumsýningu myndarinnar á kvikmyndahátíðinni í Cannes hinn 20. maí.

Lordi hefur haft í nógu að snúast síðan hún vann Eurovision-keppnina í fyrra. Sveitin hefur selt fjölda geisladiska og spilað víðs vegar um heiminn við miklar vinsældir.

Nú stefnir sveitin sem sagt á að leggja kvikmyndaheiminn að fótum sér og verður gaman að sjá hvernig hún kemst frá því verkefni.