Hamasliðar gefa mannræningjum frest til miðnættis

Hamassamtökin í Palestínu sem ráða nú yfir Gasa svæðinu, hafa gefið mannræningjunum sem hafa breska blaðamanninn Alan Johnston í haldi, frest til miðnættis til þess að sleppa honum. Verði ræningjarnir ekki við kröfu samtakanna hyggjast þeir beita valdi til þess að frelsa hann úr prísund sinni.

Þetta hefur Reuters fréttastofan eftir háttsettum manni innan Hamas sem talinn er vera Mahmoud Zahhar, fyrrverandi forsætisráðherra Palestínu en hann er talinn vera leiðtogi Hamas. Bresk yfirvöld hafa brugðist illa við yfirlýsingunni, verið sé að vinna að lausn Johnstons, og óttast Kim Howells utanríkisráðherra Breta að íhlutun Hamas í málinu geti spillt fyrir farsælum málalokum.

Samtökin Her Íslams hafa haft Johnston í haldi frá því í mars og segjast þau munu taka hann af lífi verði ekki orðið við kröfum þeirra sem eru að Bretar sleppi íslamistum sem þeir hafa í haldi, lausum.