Svava og Björn ætla að rífa hús í Fossvogi

"Jú, það er rétt. við höfum lagt inn beiðni fyrir því að rífa húsið sem við keyptum í Kvistalandinu," segir stórkaupmaðurinn Svava í 17 í samtali við Vísi en hún og unnusti hennar Björn Sveinbjörnsson lögðu inn beiðni hjá Skipulagráði í síðustu viku um að fá að rífa húsið.

Að sögn Svövu er verið að leggja inn teikningar af nýja húsinu til Skipulagsráðs en Svava vill ekki gefa upp stærð eða lögun nýja hússins. "Það mun rísa þarna fallegt hús sem sómir sér vel í umhverfinu," segir Svava og er bjartsýn að fá leyfi til niðurrifs. "Það eru mörg fordæmi fyrir því Fossvoginum.

Núverandi hús er brúnt með múrsteinsáferð en Svava segir að nýja húsið verði hvítt og meira í stíl við önnur hús í Kvistalandinu. Og hún hræðist ekki komandi framkvæmdir. "Þetta verður bara gaman. Við ætlum að reyna að gera þetta eins hratt og við getum - þegar við erum búin að fá leyfi," segir Svava.