Höfum ekki rætt við nokkurn mann

Brynjar Jóhannesson, framkvæmdastjóri Knattspyrnudeildar Fram, furðar sig á því að Ólafur Þórðarson skuli vera ósáttur við vinnbrögð félagsins í kjölfar þess að hann hætti störfum hjá Fram. Hann neitar því að félagið hafi rætt við aðra þjálfara.

"Ég get ekki svarað Ólaf en hann veit það sjálfur að honum var boðið að taka við þjálfun í fullu starfi hjá félaginu. Ég fund með honum á mánudagskvöldið þar sem þetta var rætt alveg skýrt. Við buðum honum að taka alveg við þjálfun hjá félaginu en að það yrði þá alveg fullt starf og hann gæti ekki unnið neitt annað starf með því. Við höfum ekki rætt við neinn annan þjálfara og ekkert annað slíkt verið á teningnum meðan við vorum með annan þjálfara í vinnu," sagði Brynjar og bætir við að ekkert sé til í kjaftasögum sem verið hafa á kreiki undanfarna daga.

"Það hefur verið eitthvað slúður í gangi um að við höfum rætt við þjálfara Leiknis en það er alls ekki rétt. Við fengum að vísu tölvupóst frá umboðsmanni hans þar sem hann lýsti yfir áhuga á að ræða við okkur - en þeim pósti hefur ekki einu sinni verið svarað. Við vorum ekki ósáttir við Óla en við vorum bara ósáttir við að hann gæti ekki haldið áfram störfum. Við hefðum ekki farið að senda þessa yfirlýsingu frá okkur í dag og ég hringdi í hann og ræddi við hann í dag, þannig að ég veit ekki af hverju hann er ósáttur við hana," sagði Brynjar í samtali við Vísi í kvöld.