Cameron og Cooper nýtt par?

Ofurskutlan Cameron Diaz er nú orðuð við leikarann Bradley Cooper og sjást þau æ oftar opinberlega saman. Í vikunni sáust þau snæða kvöldverð á Morgans hotelinu í New York og á sunnudag fóru þau saman á leik með New York Giants.

Áhorfandi á leiknum sagði í samtali við PageSix að þau Diaz og Cooper hafi virst mjög náin og það hafi ekki farið framhjá neinum að þau væru meira en vinir.

Í síðasta mánuði var Cooper, sem meðal annars er þekktur fyrir leik sinn í Wedding Crashers, orðaður við Friendsleikkonuna Jennifer Aniston en hún neitaði þeim sögusögnum staðfastlega.