Dyring kominn í Fylki

Danski sóknarmaðurinn Allan Dyring hefur skrifað undir eins árs samning við Fylki. Dyring er 28 ára en hann hefur síðustu tvö ár verið í herbúðum FH. Hann var úti í kuldanum hjá Hafnarfjarðarliðinu í sumar og samdi um starfslok við liðið eftir tímabilið.

Á heimasíðu Fylkis segir að þjálfari liðsins, Leifur Garðarsson, hafi farið til Danmerkur fyrir tveimur árum til að sjá Dyring spila og með það fyrir augum að fá leikmanninn til Fylkis. Dyring valdi þá að ganga til liðs við FH frekar en að koma í Árbæinn.

Áður en Dyrirng kom til Íslands hafði hann leikið með Velje, Fredericia, Varde IF og FC Aarhus í heimalandi sínu í Danmörku.